(၁၄-၁၂-၂၀၂၄၊ ချုံချင့်)
မြန်မာကောင်စစ်ဝန်ချုပ်ရုံး၊ ချုံချင့်မြို့နှင့် တရုတ်ပြည်သူ့သမ္မတနိုင်ငံ၊ ချုံချင့်မြူနီစီပယ် မြို့၊ ယွီကျုံးခရိုင်အစိုးရ တို့ပူးပေါင်း၍ “အနုပညာဖြင့် ပေါင်းစည်းဆက်သွယ်-မြန်မာပြည်မှ ချုံချင့် သို့ ” ခေါင်းစဉ်ဖြင့် ပထမအကြိမ် မြန်မာ-တရုတ်(ချုံချင့်) ယဉ်ကျေးမှုဖလှယ်ပွဲအား ၁၄-၁၂-၂၀၂၄ ရက်တွင် ချုံချင့်မြို့ရှိ အနုပညာပြဇာတ်ရုံ၌ ကျင်းပခဲ့ကြောင်း သိရှိရပါသည်။ အခမ်းအနား၌ မြန်မာကောင်စစ်ဝန်ချုပ်ရုံး၊ ချုံချင့်မြို့ ကောင်စစ်ဝန်ချုပ် ဦးကျော်ဇေယျာလင်း နှင့် ယွီကျုံးခရိုင် ဒုတိယမြို့တော်ဝန် Mr. Lai Liang တို့က အဖွင့်မိန့်ခွန်းပြောကြားခဲ့ကြပြီး၊ ချုံချင့်မြူနီစီပယ်မြို့၊ စီးပွားရေးရာကော်မရှင် ညွှန်ကြားရေးမှူးချုပ် Mr. Zhang Yongwu ၊ ချုံချင့်နိုင်ငံခြားရေးရာဌာန၊ ယွီကျုံးနိုင်ငံခြာရေးရာဌာန၊ ချုံချင့်ယွီကျုံးခရီးသွားလုပ်ငန်းနှင့် ယဉ်ကျေးမှုကော်မတီနှင့် အခြားအစိုးရဌာနများမှ ကိုယ်စားလှယ်များနှင့် ပြည်ပကောင်စစ်ဝန်ချုပ်ရုံးမှ ကိုယ်စားလှယ်များ တက်ရောက်ခဲ့ကြကြောင်း သိရှိရပါသည်။
အဆိုပါအခမ်းအနားတွင် မြန်မာနိုင်ငံ၊ ဇာတ်သဘင်အစည်းအရုံး ဥက္ကဋ္ဌ ဦးဖိုးချစ် ဦးဆောင်သည့် မြန်မာ့သဘင်ပညာရှင် ၂၁ ဦးမှ မြန်မာ့ရိုးရာယဉ်ကျေးမှုအနုပညာများဖြစ် သည့် မြန်မာ့ရိုးရာရုပ်သေးအက၊ နှစ်ပါးသွားအက၊ မြန်မာ့ကျောက်ဆည်ဆင်အက၊ ကျေးလက်အက၊ ဖျာပုံ နန်တွင်းရာမယနဇာတ်နှင့် မြန်မာ့ရိုးရာအတာသင်္ကြန်အကတို့ကို မြန်မာ့တူရိယာဆိုင်းဝိုင်း နှင့် အတူ ဖျော်ဖြေတင်ဆက်ခဲ့ကြပြီး၊ တရုတ်ယဉ်ကျေးမှုအဖွဲ့မှလည်း ပါဝင်ဖျော်ဖြေခဲ့ကြကြောင်း သိရှိရပါသည်။