မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦး‌‌ကျော်ဇေယျာလင်းနှင့် ကောင်စစ်ဝန်ချုပ်ရုံးဝန်ထမ်းများသည် ၂၃-၁-၂၀၂၅ ရက်၊ (၁၈:၀၀) နာရီတွင် ချုံချင့်မြို့၊ Intercontinental Hotel, Raffles ၌ ချုံချင့်မြူနီစီပယ်အစိုးရမှ ကျင်းပသည့် ၂၀၂၅ ခုနှစ် တရုတ်နှစ်သစ်ကူးပွဲတော်ဧည့်ခံပွဲအခမ်းအနားသို့ တက်ရောက်ခဲ့ပါသည်။

အခမ်းအနားသို့ ချုံချင့်မြူနီစီပယ်အစိုးရ ဒုတိယမြို့တော်ဝန် Mr. Xu Jian ၊ ချုံချင့်မြူနီစီပယ်မြို့ ယွီကျုံးခရိုင်ပါတီ အတွင်းရေးမှူး Mr. Huang Mao Jun ၊ ချုံချင့်မြူနီစီပယ်အစိုးရ နိုင်ငံခြားရေးရာဌာန၊ ညွှန်ကြားရေးမှူးချုပ် Ms. Wang Wen ၊ ချုံချင့်မြို့နှင့် ချန်သူးမြို့ အခြေစိုက် နိုင်ငံခြားကောင်စစ်ဝန်ချုပ်ရုံးများမှ ကောင်စစ်ဝန်ချုပ်များနှင့် သံတမန်မိသားစုများ၊ ချုံချင့်မြူနီစီပယ်အစိုးရ နိုင်ငံခြားရေးရာဌာနမှ တာဝန်ရှိသူများနှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ကြကြောင်း သိရှိရပါသည်။